Skip to main content

Novas

Novas

Padrón conciencia aos escolares sobre a necesidade de conservar a lamprea e as súas tradicións

lamprea-Padron-didacticoEsta fin de semana será a última das III Xornadas Gastronómicas, que inclúen menús e actividades culturais e de lecer arredor deste peixe

As III Xornadas Gastronómicas “Padrón Sabor a Lamprea” inclúen na súa programación actividades divulgativas nos centros educativos do municipio, co obxectivo que os máis pequenos coñezan os valores culturais arredor deste singular peixe.

Concretamente, este programa de promoción da lamprea entre escolares busca concienciar aos máis pequenos da vila sobre a necesidade conservar unha tradición que conta con séculos de historia: a captura deste singular peixe nas pesqueiras de Herbón.

A proposta divulgativa diríxese ao alumnado de 3º, 4º, 5º e 6º curso de Educación Primaria dos C.E.I.P. Flavia e Rosalía; e consistirá no desenvolvemento dun traballo de investigación ao redor dos seguintes bloques temáticos: artes de pesca da lamprea, comercialización, xeitos de cociñar e de conservar, e vida e percorrido deste peixe. Para facer a investigación, os estudantes dividiranse por grupos, cursos e aulas.

Entre os traballos presentados seleccionarase un grupo gañador por curso, o cal terá a oportunidade de dar forma á súa iniciativa a través dunha montaxe audiovisual. Este vídeo poderá ter formato de entrevista, programa culinario, anuncio  publicitario ou sesión expositiva.

Última fin de semana do #PadrónLampreeiro

Os próximos 17, 18 e 19 de marzo celebrarase a segunda e última fin de semana das III Xornadas Gastronómicas “Padrón Sabor a Lamprea”, organizadas pola Concellería de Turismo do Concello de Padrón e nas que se poderán degustar un total de 10 menús diferentes en 9 restaurantes do municipio.

Como actividades paralelas do #PadrónLampreeiro, o sábado 18 de marzo se desenvolverá un obradoiro de cociña dirixido por Manuel Garea, quen descubrirá aos participantes as diferentes maneiras de preparar este manxar. No desenvolvemento da actividade empregaranse produtos cedidos pola empresa Obrador de Lamprea.

Ese mesmo día tamén está programada unha excursión ás zonas de captura de lamprea que incluirá degustación, servizo de autocar e guía. Finalmente, para as persoas que desexen pasar a noite en Padrón durante a fin de semana, existe a posibilidade de reservar escapadas.

Máis información sobre as Xornadas e as actividades na web: www.terrasdeiria.com/lampreapadron.

O valor gastronómico e cultural da lamprea, a debate en Padrón

lamprea-padron

Unha mesa redonda abre a programación de actividades das III Xornadas Gastronómicas “Padrón Sabor a Lamprea”

 

Un produto singular con posibilidades gastronómicas ilimitadas, un grande valor cultural e un importante potencial turístico. Estas foron as principais ideas expostas na mesa redonda titulada “A lamprea, unha xoia da gastronomía galega”, celebrada este venres no Auditorio de Padrón e que supuxo o comezo do programa de actividades das III Xornadas Gastronómicas “Padrón Sabor a Lamprea”.

O xornalista e escritor Miguel Piñeiro foi o encargado de moderar ese debate, no que participaron 5 relatores procedentes de diferentes ámbitos: Xosé Antonio Rivera (Chef Rivera), Benigno Campos (do programa Larpeiros da TVG), Miguel Vila (escritor e crítico gastronómico), Javi Mos (do ámbito das redes sociais) e Juan Carlos Alonso (do blog Gastronomía en Verso). Nas diferentes intervencións, os relatores expuxeron as súas experiencias persoais e profesionais e aproveitaron para desmontar algúns dos principais prexuízos que existen ao redor da lamprea. Ademais, animaron a probar este peixe de “textura singular” a todas aquelas persoas que aínda non o teñan degustado.

No transcurso do debate quedou constatada a fonda vinculación entre a lamprea e Galicia, especialmente as áreas xeográficas do Ulla e o Miño. Desta antiga relación derívase unha tradición que tamén deixa espazos para accións innovadoras: sempre que se manteña a calidade, as dúas posibilidades (tradición e innovación) son complementarias.

Ademais do potencial gastronómico que presenta este recurso, durante a celebración da mesa redonda se destacou o seu valor patrimonial. Nese senso, aludiuse ás oportunidades de fomento da actividade turística e cultural que poden aproveitar os territorios lampreeiros.

Como retos de futuro, abordouse a necesidade de actuar con responsabilidade sobre o medio ambiente, a fin de asegurar o futuro dun recurso que os relatores non dubidaron en cualificar como unha “xoia” da gastronomía de Galicia.

III Xornadas Gastronómicas Padrón Sabor a Lamprea

Co debate celebrado este venres deron comezo as III Xornadas Gastronómicas “Padrón Sabor a Lamprea”, que se celebran durante as fins de semana do 10, 11 e 12 e do 17, 18 e 19 de marzo. Durante estes días, poderanse degustar de 10 menús diferentes elaborados por 9 locais hostaleiros.

De xeito paralelo á oferta gastronómica desenvolveranse diferentes propostas divulgativas, culturais e de lecer; así como escapadas de fin de semana.

Máis información sobre as xornadas e as actividades na web: www.terrasdeiria.com/lampreapadron.

“Padrón Sabor a Lamprea” ofrece unha variada programación

menus-lampreeiros

As actividades desenvolveranse entre o 10 e o 19 de marzo co obxectivo de por en valor o mundo da lamprea

Comeza a conta atrás para unha nova edición das Xornadas Gastronómicas “Padrón Sabor a Lamprea”. Durante as fins de semana do 10, 11 e 12 e do 17, 18  e 19 de marzo poderanse degustar un total de 10 menús de lamprea diferentes elaborados por 9 locais hostaleiros e gozar de múltiples actividades. Incluso existen varias opcións de escapadas de fin de semana pensadas para as persoas que queiran durmir na vila e así aproveitar ao máximo as distintas iniciativas programadas.

Baixo o lema Padrón sabor a lamprea, #PadrónLampreeiro’, a terceira edición desta cita gastronómica organizada pola concellería de turismo do Concello de Padrón incluirá novas propostas culturais orientadas a poñer en valor o mundo da lamprea. O obxectivo pasa por dinamizar a economía local e atraer tanto a visitantes como a turistas que fagan noite no municipio.

Menús lampreeiros

A cita gastronómica será unha nova oportunidade para saborear as variadas propostas da hostalería padronesa arredor deste peixe capturado no río Ulla. Os menús, que terán un prezo de 25 euros por persoa e funcionan baixo previa  reserva, poderán degustarse nos seguintes establecementos: O Secreto, Chef Rivera, Parrillada Flavia, Restaurante Scala, Casa Farrucán, A Casa dos Martínez, O Alpendre, Restaurante Gaia e Cafetería H2O.

Unha conferencia abrirá a programación, que inclúe propostas culinarias, divulgativas, culturais e de lecer

Como actividade divulgativa, o Auditorio de Padrón acollerá o venres 10 de marzo a conferencia titulada A lamprea, unha xoia da gastronomía galega, na que 5 relatores debaterán sobre este produto e o seu potencial desde distintos puntos de vista. Os participantes serán Xosé Antonio Rivera (Chef  Rivera), Benigno Campos (do programa Larpeiros da TVG), Miguel Vila (escritor e crítico gastronómico)  Javi Mos (do ámbito das redes sociais) e Juan Carlos Alonso (do blog Gastronomía en Verso). Moderando la mesa estará Miguel Piñeiro (escritor e xornalista).

Complementando a actividade anterior, o sábado 18 de marzo se desenvolverá un obradoiro de cociña dirixido por Manuel Garea, quen descubrirá diferentes maneiras de preparar este manxar. No desenvolvemento da actividade empregaranse produtos cedidos pola empresa Obrador de Lamprea.

En canto á programación de ocio e cultura, o sábado 11 de marzo haberá un itinerario de sendeirismo desde Santiago a Padrón seguindo o trazado da Pedronía. Unha guía de espazos naturais fará dese traxecto un camiño sensorial, onde haberá momentos para a sorpresa. A ruta inclúe tamén a visita ao afamado Pazo do Faramello.

E como o turismo gastronómico empeza por descubrir a cultura dos alimentos, organizaranse dúas excursións ás zonas de captura da lamprea: unha terá medio día de duración, mentres que a outra será de día enteiro. As  dúas opcións inclúen degustación de lamprea, servizo de autocar e guía.

A maiores, e pensando nas persoas que queiran pasar máis dunha xornada en Padrón aproveitando o evento gastronómico, existen escapadas de unha ou dúas noites, as cales inclúen as actividades anteriores xunto con aloxamento no municipio. Toda a información actualizada (datas, prezos, etc.) pódese consultar nesta web www.terrasdeiria.com/lampreapadron.

 

Obrador de lamprea, unha nova maneira de entender a lamprea…

obrador-lampreaQueremos dedicar estas liñas a unha empresa innovadora que consigue manter no mercado a lamprea máis aló dos meses de temporada. Como? A continuación o explicamos:

Obrador de Lamprea é unha empresa ubicada en O Porriño que comercializa a lamprea do Miño en conserva e afumada.

Recollen a tradición de tres xeracións dedicadas á cociña tradicional da lamprea, e transfórmana nunha nova forma de entender o seu mundo. Van moito máis alá de envasar lamprea… o que fan é envolver todo esa cultura para facela chegar á man dos cociñeiros e á mesa dos comensais. Permitindo comer lamprea os 365 días do ano.

Os seus produtos son naturais, sen conservantes nin colorantes, e son aptos para a restauración sen glute. Todas as lampreas foron capturadas polos pescadores do río Miño de maneira tradicional.

Unha morea de vantaxes para os cociñeiros que poden preparar lamprea a partir destes produtos xa elaborados; para pratos fríos, quentes ou temperados, e cunha data de consumo preferente de 24 meses a temperatura ambiente.

Os produtos tamén poden degustarse como entrante, con cachelos, lomiños sobre tomate natural, con tostas, en ensaladas… na súa web podemos ver varias receitas.

O día 18 de marzo, teremos a oportunidade de probar estes produtos, posto que o curso de cociña de lamprea será realizado con receitas que conteñen esta lamprea do Obrador de Lamprea. Este ano, a lamprea do Miño vén a visitarnos a Padrón…

Menús Lampreeiros con… Maica de Restaurante O Secreto

restaurante-o-secreto-padronCompartimos a primeira entrevista. Hoxe falamos con Maica do restaurante O Secreto que nos conta como empezou a traballar coa lamprea e como cada ano ten novos clientes que repiten…

1- Que lle parece a vostede a organización destas Xornadas da lamprea en Padrón. Considera o evento como unha acción positiva para a vila e para o seu local?

La organización me parece que hace las cosas bastante bien, aun teniendo poco apoyo. Es un evento positivo por tratarse de un producto de temporada.

2- Sobre a lamprea… que opina sobre a promoción que está a facer a administración turística con ese produto?

Siempre es interesante que se dé a conocer y se promocione, puesto que hay mucha gente que no conoce el producto. Nosotros cada año, gracias a la promoción que se le hace a la lamprea tenemos más clientes demandando el producto.

3- Vostede participa nas III Xornadas Gastronómicas Padrón Sabor a Lamprea. Desde cando cociña vostede a lamprea? Que tipo de receitas fai? Tradicionais como a ‘bordalesa’ ou ten outras máis modernas?

Empezamos a cocinar la Lamprea desde que empezaron las Jornadas, y lo hicimos preparando la Lamprea en distintas recetas, la primera que hicimos se parece a la bordelesa, pero hemos cambiado un poco la receta: no utilizamos sangre y utilizamos un arroz negro Venere Integral. Cada año vamos haciendo nuevas recetas, algunas de ellas pensadas para la gente que aún nunca ha probado el producto.

4- Sobre os seus clientes que veñen a comer lamprea… hai clientes que repiten todos os anos? Que tendencia nota? Ten cada vez máis xente pedindo probar lamprea?

Tenemos clientes que vienen desde el primer año y cada año repiten. Cada año tenemos más reservas y sobre todo de clientes que nunca habían probado antes la lamprea, porque la preparamos con un menú degustación.

5-  Que significa (persoalmente/profesionalmente) para vostede a lamprea? Defina a lamprea en 4 palabras:

Definirlo no es fácil: peculiar por su formato, en sabor no es carne ni pescado, producto de temporada…

Menús Lampreeiros con… Casa Farrucán

 

casa-farrucan-lampreaHoxe tocounos falar con Casa Farrucán… un sitio tradicional para comer lamprea  á bordelesa, pero cun toque especial… Pili cóntanos algún segredo… mirade…

1- Que lle parece a vostede a organización destas Xornadas da lamprea en Padrón. Considera o evento como unha acción positiva para a vila e para o seu local?

 Paréceme estupendo, hai moitas persoas que só a comen nestas xornadas gastronómicas de sabor a lamprea. Sí a considero unha acción moi positiva

2- Sobre a lamprea… que opina sobre a promoción que está a facer a administración turística con ese produto?

A promoción de turismo é moi boa, están moi interesados en darlle fama e deste modo axudarnos a nós para que a xente se anime a probala e a comela

3- Vostede participa nas III Xornadas Gastronómicas Padrón Sabor a Lamprea. Desde cando cociña vostede a lamprea? Que tipo de receitas fai? Tradicionais como a ‘bordalesa’ ou ten outras máis modernas?

 A nosa receita é a tradicional á bordelesa, cun toque moi especial, co cal podes comela sen medo xa que non é nada forte, nin se fai pesada como a xente pensa

En Casa Farrucan, levamos dende o ano 1973 cociñando este manxar, pero o establecemento leva aberto dende 1878. Somos a cuarta xeración e seguimos poñendo ímpetu para que os nosos clientes de sempre e os novos, a degusten e repitan.

4- Sobre os seus clientes que veñen a comer lamprea… hai clientes que repiten todos os anos? Que tendencia nota? Ten cada vez máis xente pedindo probar lamprea?

Temos clientes que si, que repiten ademais de todos os anos, varias veces na mesma tempada. Iso quere dicir algo!

5-  Que significa (persoalmente/profesionalmente) para vostede a lamprea? Defina a lamprea en 4 palabras:

Dicirlle a xente que non a probou que se anime porque é algo EXQUISITO!

 

 

 

Menús Lampreeiros con… Cafetería H2O

cafeteria-h2o-lamprea

Compartimos as respostas  da entrevista de H2O, opinando sobre a lamprea…

1- Que lle parece a vostede a organización destas Xornadas da lamprea en Padrón. Considera o evento como unha acción positiva para a vila e para o seu local?

‘Consideramos a iniciativa como positiva pero entendemos que podería ser un referente non só na comarca senón nun ámbito máis amplo e para iso debería organizarse con máis antelación, con máis publicidade e promoción e tratar de que fosemos máis os establecementos participantes…senón con menús, con tapas ou por medio doutras iniciativas’.

2- Sobre a lamprea… que opina sobre a promoción que está a facer a administración turística con ese produto?

‘Novamente consideramos positivo todo o que se faga na liña de promoción de productos locais e comarcais, iniciativas que atraian xente a Padrón e posicionen a nosa vila serán sempre positivas. Pero unha vez máis, entendemos que a promoción nin é suficiente (nin e axeitada) e dende logo que de pouco vale que se faga promoción (por boa e exitosa que sexa) si hai outros aspectos que non se están tendo en conta como por exemplo a implicación social na iniciativa (non só a hostalería a través de menús) senón implicar ao comercio que son sectores moi ligados, á xuventude a través de obradoiros na rúa ou outras actuacións, á infancia, a algunha asociación…facer as actividades a través das persoas que coñecen o oficio, difundir a parte legar da pesca, a comercialización deste produto, … a relevancia na prensa e noutros medios para dar a coñecer a iniciativa…a tempada la lamprea non é só cando se fan estas xornadas senón de xaneiro a abril, de xeito que cunha boa difusión e promoción en web e redes socias por exemplo (que é algo que non debería supoñer excesivo custe económico nin de tempo ao persoal do concello) se podería atraer xente á vila, aos restaurantes que a preparamos e dar a coñecer o produto e as xornadas antes da data nas que as celebramos’.

‘A promoción é un aspecto importante pero debe facerse ben e sempre complementada con outros aspectos. Por sí soa non serve de moito’.

NOTA: ‘Con respecto á pregunta, penso que se fai difusión das xornadas. O que é a lamprea en sí, como produto (gastronómico, cultural, biolóxico…) non se promociona o que se debería. Forma parte dun tipo de pesca exclusiva de determinadas zonas e trátase dun animal prehistórico que supón un interese absoluto para moitas cousas incluos relacionadas coa nosa especie…e entendemos que todo esto podería complementar ainda máis o produto atrainte para Padrón’.

3- Vostede participa nas III Xornadas Gastronómicas Padrón Sabora a Lamprea. Desde cando cociña vostede a lamprea? Que tipo de receitas fai? Tradicionais como a ‘bordalesa’ ou ten outras máis modernas?

‘Si, participo nesta terceira edición e participei más anteriores tamen’.

‘Nos facemos a receita tradicional e cociñamola Fender sempre’.

4- Sobre os seus clientes que veñen a comer lamprea… hai clientes que repiten todos os anos? Que tendencia nota? Ten cada vez máis xente pedindo probar lamprea?

‘Temos clientes que repiten todos os anos e son clientes que veñen polo produto ofertado e pola nosa preparación, porque nos coñecen…non son clientes que se acheguen ou veñan de primeiras só pola difusión que se fai destas xornadas (que tamén os hai pero non son a maioría, son clientes que xa iban vir e, dándolles igual unha data que outra, quizáis aproveiten a fin de semana que se fan estas xornadas. Tamen temos clientes que no la piden para levar para a casa pero dende antes de estas xornadas’.

5-  Que significa (persoalmente/profesionalmente) para vostede a lamprea? Defina a lamprea en 4 palabras:

‘CULTURA GASTRONÓMICA – HISTORIA – TURISMO –  BO TRABALLO E CLIENTES’

Padrón celebra as súas III Xornadas Gastronómicas da Lamprea entre o 10 e o 19 de marzo

Xornadas-lamprea-padron

Unha conferencia abrirá a programación de actividades, que inclúe propostas culinarias, divulgativas, culturais e de lecer.

As Xornadas Gastronómicas “Padrón, Sabor a Lamprea” celebrarán a súa terceira edición os días 10, 11, 12 e 17, 18, 19 de marzo, dúas fins de semana nas que diversos restaurantes da vila ofrecerán menús especiais e se programarán diversas actividades.

Por terceiro ano consecutivo, o Concello de Padrón organiza este evento gastronómico co obxectivo de valorizar e dar a coñecer este recurso desde o punto de vista culinario, pero tamén para salientar o seu grande valor cultural, patrimonial e a súa vinculación co territorio.

Así, a cita gastronómica será unha nova oportunidade para degustar as propostas da hostalería padronesa arredor deste peixe capturado nas pesqueiras de Herbón. Os menús terán un prezo de 25 euros por persoa e os establecementos participantes son: O Secreto, Chef Rivera, Parrillada Flavia, Restaurante Scala, Casa Farrucán, A Casa dos Martínez, O Alpendre, Cafetería H2O e o Restaurante Gaia.

Ademais das degustacións, esta nova edición das Xornadas Gastronómicas incluirá actividades educativas, culturais e de lecer relacionadas co mundo da lamprea e a súa cultura. Deste primeiro avance do programa destaca a celebración dunha conferencia na que diversos participantes falarán das bondades culinarias deste produto.

Unha conferencia abre a programación

O Auditorio de Padrón acollerá o venres 10 de marzo a conferencia titulada A Lamprea, unha xoia da gastronomía galega, na que 5 relatores debaterán sobre este produto e o seu potencial desde distintos puntos de vista: Xosé Antonio Rivera (Chef Rivera), Benigno Campos (do programa Larpeiros da TVG), Miguel Vila (escritor e crítico gastronómico), Javi Mos (do ámbito das redes sociais) e Juan Carlos Alonso (do blog Gastronomía en Verso).

A mesa redonda estará moderada polo escritor e xornalista Miguel Piñeiro e se celebrará a partir das 20.00 horas, con entrada libre.

Dentro das III Xornadas Gastronómicas “Padrón, Sabor a Lamprea” tamén se programarán actividades para escolares, talleres de cociña, visitas e rutas guiadas, unhas propostas que a organización irá detallando ao longo das vindeiras semanas.